Aanknopingspunt

3 Maart 2010

Wat is die beste benadering vir wanneer jy iemand die eerste keer kontak? Dis 'n vraag oor styl: jou styl. Sommige mense kies die eenvoudige "Hallo, hoe gaan dit" en los dit net daar terwyl ander weer kies om Shakespeare se werke oor te skryf met 'n volledige mediese geskiedenis daarby ingesluit.

Ons raad is om 'n gesonde balans te handhaaf. As jy hoop om 'n antwoord te ontvang en dit al is waaroor dit gaan, stel ons 'n paragraaf of twee voor van iets oor jou en miskien 'n verwysing na hulle profiel. Lok 'n antwoord uit deur 'n toepaslike vragie of twee te vra.

Vermy die negatiewe: "Ons is nie pasmaats nie want....". As dit die geval is, wel waarom probeer jy my dan kontak?

Sit jou beste voetjie voor. Lees weer deur jou boodskap voor jy dit stuur. Slegte taalgebruik en spelling sit mense af. Dieselfde gaan vir jou profiel - wanneer jy jou profiel en vertellings nagaan, kyk 'n bietjie na jou Profiel Opsomming en maak seker dat jy tevrede is met hoe ander mense jou sien.

Wees versigtig. Wees veral versigtig wanneer jy persoonlike besonderhede in jou boodskap met 'n eerste kontak wil gee. Wanneer jy 'n e-posadres gee sal dit jou naam, jou werksplek, ens. blootstel en moet jy eerder veiligheid eerste te stel deur dit nie te doen nie. Terwyl ons redelik vol vertroue is dat daar nie enige moordenaars tussen ons lede skuil nie, weet ons dat sommige mense 'n bietjie dikvellig kan wees en aanhoudend e-posse stuur as hulle eers jou e-posadres het.